Sherifi: Nga të gjitha partitë ka ithtarë për shkëmbim të territoreve

00:23 | 10 Shtator 2019
Trina Galanxhi

Debat i ashpër me replika e kundër replika u zhvillua në RTV Dukagjini mes përfaqësuesve të subjekteve politike për zgjedhjet parlamentare të 6 tetorit.

Ish-shefi i Grupit Parlamentar të Nismës Socialdemokrate, Bilall Sherifi, në “Debat Plus” me Ermal Pandurin, ka thënë se në të gjitha partitë ka ithtarë të shkëmbimit të territoreve.

“E dimë që ka te Vetëvendosje, ka te LDK-ja. Madje te LDK-ja është nënkryetari i partisë, Lutfi Haziri i cili është edhe shef i Shtabit, që pozicion publik e ka shkëmbimin e territoreve”.

Sherifi ka thënë se presion i madh publik ka ndikuar që liderët të kenë pozicionet që kanë pasur për shkëmbimin e territoreve.

Ai ka thënë se nuk ka qenë vendimtare për mos prekjen e kufijve vetëm qëndrimi i Haradinajt si kryeministër por “meritë e skenës publike”.

Sherifi ka thënë se nëse preket territori, kuptohet që Serbia merr shumë më tepër territor se që i jep Kosovës./telegrafi/

Shpërndaje në rrjete sociale

Lajmet më të lexuara

Të ngjashme

Foto lajm